Image and video hosting by TinyPic
( ကိုယ်ပိုင်ဘာမှမရှိ )==================အသကော လောကော သဗ္ဗံပဟာယ ဂမနီယံ။ လောကော----------------->လောကကြီးသည်။ အသကော---------------->ကိုယ်ပိုင်ဥစ္စာမရှိပါပေ။ သဗ္ဗံ---------->ရှိပါတယ်ဆိုတဲ့ပစ္စည်းဥစ္စာတွေကို ပဟာယ-------->တစ်နေ့သောအခါပယ်စွန့်ခွာ၍ ဂမနီယံ------------>သွားရမှာချည့် ပါပေတကား။ ===============(သပြေကန်ဆရာတော်)
"ကောင်းကင်မြေလျှိုး ရေ၀ယ်တိုး၍ ပုန်းလျှိုးနေခို မသေလိုလည်း ဤကိုယ်မုချ မနေရ" "မိမိကိုယ်ကို ကာကွယ်ဖို့ ဘယ်တော့မှ ဆင်ခြေမရှာပါနဲ့ အမှားနောက်က ဆင်ခြေတွေကို ဘယ်သူမှ နားမထောင်ချင်ကြပါ" စာပေဟောပြောပွဲတွေသည် ရှာဖွေတွေ့ရှိသမျှ တင်ပြပေးထားခြင်းသာ ဖြစ်ပါသည်။....နားထောင်မည့်သူများ အနေဖြင့်ကောင်းတာကိုယူပြီး မကောင်းတဲ့အချက်ကိုပယ်နိုင်ပါတယ်။ ရည်ရွယ်ချက်သည်စာပေဟောပြောပွဲမှ ဗဟုသုတနှင့် ကိုယ်ပိုင်တွေးခေါ်တတ်စေရန်ဖြစ်သည်။ သို့ဖြစ်ပါ၍ နောက်ထပ်တွေ့ ရှိသမျှ ဆက်လက်ဖော်ပြ သွားပါဦးမည်။

Saturday, October 30, 2010

ပတ်ဝန်းကျင်နှင့်ဘ၀

ပတ်ဝန်းကျင်မကောင်းရင် ကောင်းတဲ့လူပါ မကောင်းဖြစ်တတ်တယ်လို့ ကြားဖူးပါတယ်။ အကယ်၍ ပတ်ဝန်းကျင်ကောင်းရင် မကောင်းတဲ့လူတွေပါ ကောင်းလာတတ်ပါတယ်။ သို့သော် အရာဝတ္တုတစ်ခု ရပ်နေတာကို ရွေ့စေချင်ရင် အရှိန်တစ်ခုခုတော့ ထည့်ပေးရမယ်။ ဥပမာတွန်းအား တစ်ခု ထည့်ပေးရသလိုပေါ့။ မကောင်းတဲ့ လူတစ်ယောက်ကို ကောင်းတဲ့ဘက်ကို ရောက်ဖို့ စည်းရုံးရတာ အင်မတန် ခက်ခဲပါတယ်။ မကောင်းမှုဆိုတာ ကျူးလွန်ရတာ လွယ်လွန်းတယ်လေ။ ကောင်းမှုဆိုတာ ပြုကျင့်ရတာ ခက်တယ်လို့ မြင်နေကြတာပဲ မဟုတ်လား။

ကျွန်တော်တို့ ပတ်ဝန်းကျင်တွေသည် မကောင်းတာလုပ်တဲ့လူကို အပြစ်မြင်ပြီး၊ ကောင်းတာလုပ်တဲ့လူကို အကောင်းမြင်တတ်ကြပါသည်။ ဒါက မှန်ပါတယ်။ သို့သော် ကောင်းတာလုပ်တဲ့လူ မကောင်းတာ ဖြစ်သွားရင် ဖာထေးပြီး ပြောတတ်ကြပါတယ်။ တချို့လည်း ကြောင်သူတော် ကြွက်သူခိုး စသည်အားဖြင့် ကဲ့ရဲ့တာရှိပါလိမ့်။ ဒါပေမယ့် မကောင်းတာလုပ်တဲ့ လူတစ်ယောက် ကောင်းတာလုပ်နေပြီးဆိုရင် လူနည်းစုသည် (တရားဓမ္မကို လိုလိုလားလားနဲ့ ရှာဖွေလေ့လာနေသူတွေ) အားရ၀မ်းသာ ကောင်းချီးထောပနာ ပြုကြ၏။ သို့သော် လူအများစုရဲ့ အကြည့်တွေ အပြောတွေ အတွေးအမြင်တွေက စောင်းလာတတ်ကြတယ်။ ရှင်းရှင်းပြောရရင်တော့ သူဌေးတောထဲ သူတောင်းစားဝင်လာသလို နှာခေါင်းရှုံ့တတ်ကြသည်။ ဒါနဲ့ပတ်သတ်လို့ ကျွန်တော်နားလည် ထားတာတစ်ခုရှိပါတယ်။ လူတွေဟာ သူ့အချိန်နဲ့သူ ဖြစ်ပျက်နေတာပါ။ တစ်နှစ်တစ်တန်း တက်လာရင်းနဲ့ စာတွေခက်လာတာရှိမယ်။ စာမေးပွဲကျသွားသူတွေ ရှိမယ်။ ကျောင်းထွက်သွားသူတွေ ရှိမယ်။ ဒါတွေက သူ့အကြောင်းနဲ့ သူပါပဲ။ ဒါပေမယ့် ကိုယ်မကြိုးစားပဲနဲ့တော့ လိုချင်တဲ့နေရာကို မရောက်နိုင်တာ သေချာပါတယ်။ သို့သော် အချိန်အတိုင်းအတာ တစ်ခု လိုအပ်ပါတယ်။ မဖြစ်နိုင်သေးတဲ့ အချိန်ကာလမျိုးတွေမှာ လူတစ်ယောက်ကို ဘယ်လိုမှ ပြောလို့ရမှာ မဟုတ်ပါဘူး။ ဒါပေမယ့် အသိစိတ်ဓာတ် ကောင်းလာပြီး ဆိုရင်တော့ ကောင်းမှုကို လက်ခံပြီး မကောင်းမှုကို ပယ်ချပစ်ဖို့ ၀န်မလေးပဲ ကောင်းရာသုဂတိအတွက် ပြင်ဆင်ပါလိမ့်မယ်။

လောကမှာ ဘယ်အရာမှ ကြိုတွေးထားလို့ မရပါဘူး။ လူတွေက မကောင်းတဲ့ လူတစ်ယောက်ကို ဘယ်တော့မှ ကောင်းလာတော့မှာ မဟုတ်ဘူးလို့ ထင်မြင်နေကြတာ အယူမှားတွေပါ။ နောက်ပြီး ကောင်းတဲ့လူတွေ ဘာလုပ်လုပ် ကောင်းနေတော့မယ်လို့ ထင်မြင်နေကြတာလဲ အယူမှားနေတာပါပဲ။ ဘာလို့လဲဆိုတော့ ဗုဒ္ဓဘုရားက ဝေဖန်စမ်းစစ်ပြီးမှ ယုံသင့်မယုံသင့် ဖြစ်သင့်ဖြစ်သင့်ကို တွေးတောဖို့ သတိပေးခဲ့တာပဲလေ။ တချို့အရာတွေက ဘ၀ပေးအကျိုးမကောင်းလို့သာ ၀ဋ်တစ်ခုလို ခံနေကြရတာပါ။ အခုခေတ်မှာ ဟိုးအရင်တုန်းကလို ဆိုးသွမ်းမိုက်ရိုင်းနေတဲ့ လူတစ်ယောက်ကို လူကောင်းဘ၀သို့ ရောက်အောင် လာဟောပေးမယ့် ဘုရားလည်းမရှိတော့ဘူး။ ဘယ်ချိန်မှာ အကျွတ်တန်း ၀င်မယ်ဆိုတာကိုလည်း ဘုရားလောက် မည်သူမှ မသိကြဘူး။ ဒါကြောင့် မကောင်းတာလုပ်နေသော သူတို့သည် မိမိအသိတစ်ချက်လောက် ရတဲ့အချိန်လေးမှာ တရားရှာကြပါ။ ဘယ်တရားသည် ကိုယ်နဲ့ကိုက်မလဲ ဆိုတာမျိုးပေါ့။ ဒါပေမယ့် တရားမှန်သမျှ ကောင်းပါတယ်။ စာရေးသူ ကိုယ်တိုင်လည်း တရားတောင်းဖူးပါသည်။ ငါနဲ့ကိုက်မည့် တရားလေးရှိရင် သိပ်ကောင်းမှာပဲ... ငါ့ရဲ့ဆိုးသွမ်းနေတဲ့ ဒီစိတ်တွေကို တရားတစ်ပုဒ်လောက်နဲ့ ဆေးကြောပစ်နိုင်ရင် ဘယ်လောက်ကောင်းမလဲပေါ့လေ... ဘုရားရှင်လက်ထက်က တရားလည်းအပြီး သောတပန်လည်း ဖြစ်ဆိုတာမျိုးတောင် တွေးမိလိုက်သေးတယ်။ သောတပန်ဖြစ်ဖို့ (၇)ချက်ကိုတောင် မေ့ထားလိုက်သေးတယ်။ ဒါပေမယ့် ဒါမျိုးတွေ မရှိတော့ပါဘူး။ အဲဒါကြောင့် မိမိအမှားကို မိမိသိရင် ပြင်ကြပါ။ ကိုယ်မှမပြင်နိုင်ရင် ပြင်ပေးမယ့်လူမရှိ။ အဓိကစိတ်ပဲ... စိတ်ကိုမှမပြင်နိုင်ရင် သံသရာမှာ မှားနေအုံးမှာပဲ.... တရားရှာပါ...တရားကို သေချာရှာကြပါလို့ ပြောပါရစေ....။

"လူမိုက်တစ်သောင်း ချီးမွမ်းရှောင်လည်

လူကောင်းတစ်ယောက် ပြစ်တင်ကြောက်လော့"

ဘာမှမသိပဲ မိုက်နေတဲ့လူတွေအတွက် ဒီစကားပုံလေးက လမ်းမှန်ရောက်အောင် လမ်းပြပေးနေပါတယ်။

တကယ်တော့ ကျွန်တော်တို့တွေဟာ အကျိုးနှင့်အပြစ် နှစ်ခုစလုံးကို ကြည့်သင့်ပါတယ်။ မကောင်းမှုအတွက် ရမယ့်… အကျိုးက ဘာရှိမှာလဲ။ ကိုယ်လုပ်ချင်တာ လုပ်လိုက်ရလို့ ခဏတာပျော်ရွှင် ရပေမယ့် ပူလောင်ခြင်းကို ခံစားနေရမယ်။ မကောင်းမှုလုပ်တဲ့ အချိန်မှာသာ လူတွေက မစဉ်းစားကြတာ။ မကောင်းမှုမှ အသိတရားပြန်ဝင်လာတဲ့ အချိန်မှာတော့ စဉ်းစားပြီး နောင်မလုပ်ဖို့ကို တားမြစ်တတ်ကြသည်။ တကယ်တော့ မကောင်းမှုမှာ ရမည့်အပြစ်သည် ကြီးမားလွန်းပါတယ်။ မကောင်းတာလုပ်တဲ့ အပေါ်မှုတည်ပြီး အပြစ်က တဖြည်းဖြည်းနဲ့ ကြီးမားသွားပါတယ်။ ပုရွက်ဆိတ် သတ်တာနဲ့ ဆိတ်ကိုသတ်တာ အပြစ်ချင်းမတူပါဘူး… ဒီလိုပဲ ဆိတ်ကိုသတ်တာနဲ့ ဆင်ကိုသတ်တာ အပြစ်ချင်းမတူပြန်ဘူး။ မိမိသတ်လိုက်တဲ့ တိရိစ္ဆာန်ရဲ့ ခွန်အားဗလ ကြီးမားရင် ကြီးမားသလောက် ခွန်အားစိုက်ထုတ် သတ်ရတဲ့အတွက် အပြစ်ကိုလည်း ထိုကဲ့သို့ ကြီးမားစွာ ခံရတတ်ပါတယ်။

ကောင်းမှုမှာ အပြစ်ဆိုတာ မရှိပါဘူး။ အကုန်အကျိုးတွေပါပဲ…. ကျွန်တော့်သူငယ်ချင်း နိုင်ဝေက ပြောပါတယ်။ ဘာအကျိုးမှ မကြည့်နဲ့အုံး တရားနာလိုက်တာနဲ့ စိတ်ကိုကြည်လင် လန်းဆန်းပြီး အေးချမ်းသွားရတယ်။ အဲဒါဟာ ပထမဆုံး တရားနာခြင်းရဲ့ အကျိုးကျေးဇူးပဲတဲ့။ ဟုတ်ပါတယ်။ အလိုလို ရောက်ရှိလာတာ။ တောင်းတခြင်း မဟုတ်ပါဘူး ဗုဒ္ဓရဲ့အရိပ်အောက် ဖြန့်ကျက်ထားတဲ့ မေတ္တာတွေကို ခံစားကြရတာပါပဲ။ ဘာနဲ့မှလဲလို့ မရတဲ့အရာသည် ဒီတရားဓမ္မတွေ နာကြားချင်ကလည်း ရနိုင်ပါတယ်။ ထိုမှတဆင့် မေတ္တာတရားလေး ထားတတ်လာရင် ပိုကောင်းပါတယ်။ ကျွန်တော်က ဘုရားတရားကို ကိုနိုင်ဝေတို့လောက် မလိုက်စားပါဘူး။ ဒါပေမယ့် ကောင်းတာလုပ်တဲ့ သူငယ်ချင်းဖြစ်နေတာကြောင့် အားကျတာတော့ အမှန်ပါပဲ။ ကောင်းတာလုပ်သော လူမှန်သမျှကို လေးစားပါတယ်။

ကိုနိုင်ဝေကို အွန်လိုင်းမှာ တွေ့လိုက်ရင် ကျွန်တော်ပါ သူ့ဆီက မေတ္တာတရားတွေ ရတတ်ပါတယ်။ ဘာလို့လဲဆိုတော့ သူ့သုံးနေတဲ့ ဂျီတော့ဘောက်မှာ “မင်္ဂလာပါ” လို့ ရေးထားတယ်လေ။ အမြဲတမ်း တင်ထားတတ်ပါတယ်။ ကျွန်တော် လေးစားဆုံးသော အရာတစ်ခုပေါ့။ တကယ်ကို မင်္ဂလာရှိနေတာပါ။ အပြင်မှာ တွေ့ရရင်လည်း ဒီအတိုင်းပါပဲ။ ချိုသာပြီး ဟန်ဆောင်ထားခြင်း မရှိပါဘူး။ အမှန်တကယ်တော့ အဲလိုဖြစ်နေရမှာပါ။ ကိုယ်နဲ့ပြောလိုက်တဲ့ လူတိုင်းစိတ်ချမ်းသာမှု ရစေချင်တာပါ။ ဒီလိုမျိုးနေထိုင်တတ်အောင် ကြိုးစားဖို့ လိုပါသေးတယ်လေ။ သာမာန်လူ မည်သူမှ မလုပ်နိုင်ပါ။ ကျွန်တော်လည်း မလုပ်နိုင်သေးပါဘူး။ စိတ်ကိုတစ်ခုထဲ စုစည်းထားနိုင်ဖို့ သာမာဓိ အားကောင်းဖို့ လိုပါလိမ့်မယ်။ ကိုနိုင်ဝေသည် ကျွန်တော့်အတွက် ပတ်ဝန်းကျင် ကောင်းကြီး တစ်ခုပဲ။ တရားကောင်းလေးတွေ ရတာနဲ့ ကျွန်တော့်ဆီကို ပို့ပေးပါတယ်။ တခါတလေ အတူတူ နားထောင်ဖြစ်ကြတယ်။ အွန်လိုင်းတိုက်ရိုက် လွှင့်တဲ့တရားပွဲမျိုးတွေ ရှိရင်ကျွန်တော်တို့ နှစ်ယောက် တရားနားဖို့ ပြောလေ့ရှိပါတယ်။

ထို့အပြင် ဘေးပတ်ဝန်းကျင်မှ သူငယ်ချင်းများကိုလည်း ကိုနိုင်ဝေက ခေါ်ထားလေ့ ရှိပါတယ်။ ကောင်းကျိုးအတွက်ဆို ကိုယ့်အချိန်ထဲက ကုန်ချင်ကုန်သွားစမ်းပါစေ အနစ်နာခံနိုင်တဲ့ လူတစ်ယောက်ပါ။ ပတ်ဝန်းကျင်မှာ အဲလိုတရားဓမ္မတွေ လိုက်စားတဲ့ လူတွေများလာမှ ကျွန်တော်တို့ ဗုဒ္ဓဘာသာ သာသနာ ဖွံ့ဖြိုးတိုးတက် လာတော့မှာပေါ့။ အရင်ကဆို သြကာသ သြကာသ ကြကာသ သုံးကြိမ်ဆို ဘာမှန်းမသိခဲ့ဘူး။ ကျောင်းတက်ခဲ့တဲ့ သူငယ်တန်းကနေ ဆယ်တန်းအထိ ၁၁ နှစ် အလွတ်ဆိုနေတာ အနက်အဓိပ္ပာယ် ဘာမှမသိ ဘုရားတွေ့ရင် ကန်တော့ရမယ်… ဒါတော့ ကောင်းကောင်းသိတယ်။

တခါက ကျွန်တော်တို့ ကျောင်းတွေပိတ်တော့ ရန်ကုန်မြို့ကို ဘုရားဖူးထွက် ခဲ့ကြသည်။ ရန်ကုန်ရောက်ရင်တော့ အပျော်ဆုံးပဲလေ။ မြို့ကြီးမဟုတ်လား… ကစားဖော်ကစားဖက်တွေလည်းရှိ စားချင်တာ သောက်ချင်တာလည်း စုံလင်ဆိုတော့ ကျောင်းပိတ်တိုင်း ရန်ကုန်လာလေ့ရှိတယ်။ နယ်မှာက ၅ တန်းလောက်ထိ နေဖူးတော့ ၅ ကြိမ်လောက်တော့ ရန်ကုန်ကို ရောက်တာပေါ့။ ရန်ကုန်လာတိုင်း ဘူတာကြီးရောက်ရင် အိပ်ပျော်နေတာ ရောက်မှပဲ အမေ့က ထတော့ရန်ကုန် ရောက်ပြီးသားလေးဆိုတော့ ပတ်ဝန်းကျင်ကို သိပ်ပြီး သတိမထားမိလိုက်ဘူး။ ရထားပေါ်မှာက တကယ်ပညာရတယ်။ ဘ၀စုံပဲ ထိုချိန်တုန်းက တော်တော်ဆိုးတယ်ဗျ။ ခါးပိုက်နှိုက်တွေရော ပိုက်ဆံပေးမစီးတာတွေ၊ လူလိမ်တွေ၊ တို့ဆေးတွေက ပေါပေါ၊ ရထားနဲ့သွားတာ ပျော်စရာကောင်းပေမယ့် ထိုင်ခုံမရပဲ အလယ်မှာ ဖြစ်သလို လိုက်တာတွေက စိတ်ညစ်ဖို့ အရမ်းကောင်းသလို သရုပ်လည်း ပျက်တာပေါ့နော်။ အခုနောက်ပိုင်းတော့ ရထားတွေ သန့်လာမယ်လို့ ထင်ပါတယ်။ ထိုချိန်တုန်းက မုတ္တမနှင့် ရန်ကုန်ပေါ့။ အခုတော့ မော်လမြိုင်-ရန်ကုန် တိုက်ရိုက် ဖြစ်နေပါပြီး။ ထို့ကြောင့် ၀မ်းသာရပါတယ်။

ကျွန်တော်မှတ်မိသလောက် ပြောရရင် ၅ ကြိမ်ရောက်တာ တစ်ကြိမ်ပဲ ရန်ကုန်အ၀င်ကို ကောင်းကောင်း သတိထားမိတယ်။ ဘာသွားတွေ့လဲဆိုတော့ ရန်ကုန်ဘူတာအ၀င်ဝကနေ လှမ်းကြည့်လိုက်ရင် အချွန်အတက်တွေ မြင်ရပါလိမ့်မယ်။ အဲဒါကို ဘုရားထင်ပြီး ကန်တော့နေတာ အဲဒီလောက်ထိကို ဖြစ်ခဲ့ဖူးပါတယ်။ နောက်မှ အမေက သား…အဲဒါ ဘုရားမဟုတ်ဘူးဆိုမှ ရှက်ရှက်နဲ့ မြို့အ၀င်မို့လို့ သားကဦးတိုက်တာပါလို့ လိမ်ပြော လိုက်ရသေးတယ်။ ဒီလိုဘ၀တွေကနေပြီး တဖြည်းဖြည်းနဲ့ နယ်ပယ်ကျယ်ပြန့် လာခဲ့ရတာပါ။ နောက်ပြီး ပတ်ဝန်းကျင်ကလည်း လိုသေးတယ်လေ။ ကျွန်တော်တို့နဲ့ တစ်နှစ်ထဲအတူတူ ကျောင်းတက်လာတဲ့ လူတွေကလည်း ဘုရားတရားလုပ်ဖို့ နေနေသာသာ ဆိုးလွန်းလို့ မိဘတွေတောင် မနိုင်တော့ဘူးလေ။ ဒါကြောင့်ကျွန်တော်တို့က သူတို့ကို မပေါင်းဖြစ်ဘူး။ ဒီပတ်ဝန်းကျင်နဲ့ ပေါင်းရင်လည်း သေချာပါတယ်။ ဒေ၀ဒတ်ရဲ့သား အဇာတသတ်ရဲ့ မြေးမြစ်တွေ ဖြစ်ပြီး အ၀ီစိရောက်မှာ သေချာတယ်။

အခုတော့ ဘ၀ကို ကျေနပ်မိပါတယ်။ ဘာလို့လဲဆိုတော့ ကျွန်တော့်ဘေးမှာ ပတ်ဝန်းကျင်ကောင်းတွေ ရှိနေတယ်လေ။ ကိုနိုင်ဝေမှ မဟုတ်ပါဘူး။ ကျန်တဲ့ ကျွန်တော့်သူငယ်ချင်းတွေလည်း ရှိပါသေးတယ်။ လောကမှာ မကောင်းတာလုပ်တဲ့ လူကို အမြဲတမ်း ဒဏ်ခတ်ထားသလို။ ကောင်းတာလုပ်တဲ့ လူတွေကိုလည်း အမြဲတမ်း ချမ်းသာပေးထားပါတယ်။ ကိုယ်မသိတဲ့ တရားတွေကို ကိုယ်တိုင်လေ့လာနိုင်သလို နယ်ပယ်အရ ၀င်ရောက် လေ့လာဖို့လည်း အဆင်ပြေတဲ့ ခေတ်ကြီးပါပဲ။ မသိရင်မေး မစင်ရင်ဆေး ဆိုတဲ့စကားလဲ ရှိတယ်မဟုတ်လား။ တရားပြဆရာတော်တွေ အပြင် သိက္ခာ၊သမာဓိ ပြည့်စုံသူတွေကိုလည်း တရားနဲ့ပတ်သတ်ရင် မေးမြန်းနိုင်လို့ သိလိုစိတ်တစ်ခုသာ လိုပါတော့တယ်။ ဒါကြောင့် ဓမ္မဘေရီဆရာတော်က လာခြင်းကောင်းတဲ့ ပုဂ္ဂိုလ်မျိုးနဲ့တော့ဗျာ… ကျွန်တော်သေလို့ ခွဲခွာပါရစေ သူသေလို့ ကျွန်တော် မခွဲခွာချင်ဘူးလို့ ဟောပြခဲ့တာကိုး။

ဘ၀ခန္ဓာနဲ့ ဓမ္မ အလေးချိန် မမျှရင် အပ္ပာယ်သွား ရတတ်တယ်။ အခုစာဖတ်နေသူတို့၏ ဘေးမှာ ပတ်ဝန်းကျင်ကောင်းတွေ ရှိပါလိမ့်မယ်။ သတိမထားမိကြလို့ပါ။ အကယ်၍ သတိထားမိတယ်ဆိုရင် တန်ဖိုးထားကြပါ။ ပတ်ဝန်းကျင်ကောင်းမရှိခဲ့ရင် မလှမ်းမကမ်းကို ကြည့်ပါ။ သူငယ်ချင်းကောင်းတွေ ရှာပေါင်းပါ။ တကယ်လက်တွေ့ ဖြစ်နေတာက ငယ်ငယ်ရွယ်ရွယ် ဘုရားတရား ကိုင်းရှိုင်းရင် ဘိုးတော်လား… တောထွက်တော့မှာလား… ကိလေသာ ကုန်နေပြီးလားလို့ ပြောနေကြပါတယ်။ ဒါတွေက တရားမသိသော သူတွေအတွက်ပါ။ တရားသိသောသူသည် ဒါမျိုးမပြော အစဉ်အမြဲ လေးစားနေမှာပါ။ ဘုရားတရား လုပ်တဲ့လူတွေသည် အမြဲတမ်း နေရာရတတ်ပါသည်။ လူတောထဲသွားရင် မျက်နှာပွင့်လန်းစေပါတယ်။ သူတော်ကောင်းတွေက စောက်ရှောက်တတ်ပါတယ်။

နောက်ဆုံးပြောချင်တာက "သတိမမှု ဂူမမြင်" ဆိုသလို သတိလေးလည်း ကပ်ထားမှ၊ သေခြင်းတရားက ရင်ဘတ်နဲ့ကျောလို့ ကပ်နေတာလေ။ ဒါကြောင့် ပတ်ဝန်းကျင်ကောင်းတွေ ပိုင်ဆိုင်ထားပြီးဆိုရင် တန်ဖိုးထားပြီး မိမိဘ၀ ကောင်းသထက်ကောင်းအောင် တည်ဆောက်သွားကြပါလို့ ကျွန်တော်မြင်တဲ့ အမြင်လေးကို ရိုးရိုးလေး သီကုံးလိုက်ပါတယ်… အားလုံးသော စာဖတ်သူအပေါင်း သာယာချမ်းမြေ့သော ဘ၀လေး ပိုင်ဆိုင်နိုင်ကြပါစေ။

0 comment:

Comment here

သင့်အကြံပြုချက်တွေကို လေးစားစွာ ဖတ်ရှုပေးပါမည်။ ကျေးဇူးတင်ပါသည်။

 
RSS FeedRSS Subscription!
Follow me!Follow me!