Image and video hosting by TinyPic
( ကိုယ်ပိုင်ဘာမှမရှိ )==================အသကော လောကော သဗ္ဗံပဟာယ ဂမနီယံ။ လောကော----------------->လောကကြီးသည်။ အသကော---------------->ကိုယ်ပိုင်ဥစ္စာမရှိပါပေ။ သဗ္ဗံ---------->ရှိပါတယ်ဆိုတဲ့ပစ္စည်းဥစ္စာတွေကို ပဟာယ-------->တစ်နေ့သောအခါပယ်စွန့်ခွာ၍ ဂမနီယံ------------>သွားရမှာချည့် ပါပေတကား။ ===============(သပြေကန်ဆရာတော်)
"ကောင်းကင်မြေလျှိုး ရေ၀ယ်တိုး၍ ပုန်းလျှိုးနေခို မသေလိုလည်း ဤကိုယ်မုချ မနေရ" "မိမိကိုယ်ကို ကာကွယ်ဖို့ ဘယ်တော့မှ ဆင်ခြေမရှာပါနဲ့ အမှားနောက်က ဆင်ခြေတွေကို ဘယ်သူမှ နားမထောင်ချင်ကြပါ" စာပေဟောပြောပွဲတွေသည် ရှာဖွေတွေ့ရှိသမျှ တင်ပြပေးထားခြင်းသာ ဖြစ်ပါသည်။....နားထောင်မည့်သူများ အနေဖြင့်ကောင်းတာကိုယူပြီး မကောင်းတဲ့အချက်ကိုပယ်နိုင်ပါတယ်။ ရည်ရွယ်ချက်သည်စာပေဟောပြောပွဲမှ ဗဟုသုတနှင့် ကိုယ်ပိုင်တွေးခေါ်တတ်စေရန်ဖြစ်သည်။ သို့ဖြစ်ပါ၍ နောက်ထပ်တွေ့ ရှိသမျှ ဆက်လက်ဖော်ပြ သွားပါဦးမည်။

Sunday, November 7, 2010

အင်တာနက်သုံး တံဆိပ်ပြုန်း ဘယ်တုန်းခါမှ မမေ့ဘူး

အိမ်ရှေ့ဧည့်ခန်း ခုံပေါ်ကခြင်ထဲမှာ အမြဲတမ်းတွေ့ဖူးပါတယ်။ အကြောင်းကတော့ ကျွန်တော်တို့ အသုံးပြုခဲ့ရတာကို ဆိုလိုတာပါ။ စာထည့်ဖူးသူတိုင်း သိကြမှာပါ။ ကျွန်တော်တို့ မြန်မာတွေအတွက် အရမ်းအရေးကြီးနေဆဲ စနစ်တစ်ခုပေါ့။ ဒီစနစ်မှာ မရှိမဖြစ်လိုအပ်တဲ့ တံဆိပ်ခေါင်းတွေပါ။ ဝေးလံတဲ့ နေရာမှာရှိတဲ့ လူမျိုးတွေအတွက် အဆက်အသွယ် မရတာထက်စာရင် အချိန်အတိုင်းအတာ တစ်ခုအတွင်းမှာ ရနိုင်ပါတယ်။ အင်တာနက်စနစ်ဆိုတာ အခုနောက်ပိုင်း တွယ်ကျယ် လာစေသော ကွန်ယက်ဆက်သွယ်မှု တစ်ခုပါ။ အရင်ကျွန်တော်တို့ ဆက်သွယ်ရေးကို စာတိုက်မှတဆင့် တစ်လတန်သည် နှစ်လတန်သည် အခြေအနေတစ်ခု အနေဖြင့် တစ်ယောက်နှင့် တစ်ယောက် ဆက်သွယ် အသုံးပြုခဲ့ရပါသည်။ ထိုသို့ အသုံးပြုရာတွင် စာအိတ်ထိပ်တွင် ကပ်ထားသော တံဆိပ်ခေါင်းတွေကို ဒီနေရာမှာ စုစည်းတင်ပြပေးထားတာပါ။ ရည်ရွယ်ချက်ကတော့ မမြင်ဖူး မတွေ့ဖူးသေးတဲ့ တံဆိပ်ခေါင်း ပုံစံတွေနှင့် ဘယ်အချိန်တုန်းက ဘယ်လိုတံဆိပ်ခေါင်းတွေ အသုံးပြု ကြတယ်ဆိုတာကို သိစေချင်တာပါ။ ငယ်ငယ်က အမျိုးတွေဆီ စာထည့်ရင် အမေက တံဆိပ်ခေါင်း ကပ်ခိုင်းနေကြ... မှတ်မိတာက တံဆိပ်ခေါင်းမှာ ပါလာတဲ့ကော်က ဘယ်တော့မှ မကပ်ဘူး... မီးဖိုချောင်က ထမင်းလုံးနဲ့ အမြဲတမ်းကပ်ခဲ့ရလို့ပဲ...။ နောက်တစ်ချက်က ကျွန်တော့်အနေနဲ့ ကျယ်ကျယ်ပြန့်ပြန့် မဖော်ပြနိုင်တာကို တောင်းပန်ပါရစေ... ဘယ်တံဆိပ်ခေါင်းက ဘာကိုကိုယ်စားပြုသလဲ အတိအကျသိရင် ပိုကောင်းပါတယ်။ အကယ်၍နောင်မှာ လေ့လာတွေ့ရှိပါက ထပ်မံတင်ပြပေးသွားပါအုံးမယ်...။ အခုလောလောဆယ်တော့ ကျွန်တော်တို့ အမိမြေက အသုံးပြုခဲ့တဲ့ တံဆိပ်ခေါင်းတွေကို ကြည့်ရှုရင်း နောင်မှာ ဘာတံဆိပ်တွေ ထွက်လာအုံးမလဲ ဒါမှမဟုတ် ခေတ်စားလာတဲ့ အင်တာနက် အီးမေးစနစ်တွေကပဲ နေရာယူသွားမှာလား ဆိုတာကို စောင့်ကြည့်ကြတာပေါ့။ ဒါပေမယ့် တိုးတက်ပါတယ်ဆိုတဲ့ နိုင်ငံတွေမှာ အခုချိန်ထိ ဆက်သွယ်ရေး စာတိုက် အဆောက်အအုံတွေနှင့် စနစ်တွေကတော့ ကြီးကျယ်ခမ်းနားစွာ တည်ရှိနေတုန်းပါပဲ...။ ထို့ကြောင့် မမေ့သင့်ဘူးထင်လို့ ဒီပို့စ်လေးကို တင်ပြလိုက်ပါတယ်။ စာဖတ်သူအားလုံး ဗဟုသုတတွေ ဆထက်တစ်ပိုး ရနိုင်ကြပါစေ...။




















ကျေးဇူးတင်ပါသည်။
NPNGMMP

1 comment:

Anonymous said...

ကျေးဇူးပဲဗျို့... အမှုမဲ့အမှတ်ဖြစ်နေတဲ့ အရာတွေကို ပြန်ပြီး ဖော်ထုတ်ပေးတဲ့အတွက်ပါ...ဆက်ပြီးတော့ တင်ဆက်နိုင်ပါစေ....

Comment here

သင့်အကြံပြုချက်တွေကို လေးစားစွာ ဖတ်ရှုပေးပါမည်။ ကျေးဇူးတင်ပါသည်။

 
RSS FeedRSS Subscription!
Follow me!Follow me!